Жаңалықтарды Telegram арнамыздан оқыңыз!Енді ескі көлікті тапсырсаңыз, 2 күн ішінде өтемақы ала аласыз. Елде тозығы жеткен көлікті қайта өңдеуге қабылдау бағдарламасына өзгеріс енгізілді. Бұдан былай жүк және жолаушылар көлігін тапсыратындарға да ақшалай өтемақы берілмек. Қаражат көліктің санатына қарай бағаланады. Айталық М2, N1, N2 санатындағы көлік үшін 400 мың теңгеден аса ақша беріледі.
Ауыр салмақтағы жүк көліктері 600 мың теңгеге дейін бағаланады. Жалпы елде қайта өңдеуге қабылдау бағдарламасы басталғалы елде 150 мыңға жуық көлік тапсырылған. Қабылданған барлық машина Қарағандыдағы ескі көліктерді қайта өңдейтін зауытқа жіберіледі.
Ақерке Бектас
