«Келешек мектептері»: Жас мамандарды іріктеуге арналған жаңа цифрлық платформа іске қосылды

«Келешек мектептеріне» жас мамандарды іріктеуге арналған жаңа цифрлық платформа іске қосылды. Бұл жүйеде тек тестілеуден сәтті өткен педагогтердің мәліметтері сақталады. Бүгінге дейін еліміздің 5 педагогикалық жоғары оқу орнында іріктеу өткен. Сынаққа 900-ден астам түлек қатысып, сыннан сүрінбеген 500-ге жуық жастың портфолиолары платформаға жүктелді. Енді «Келешек мектептеріне» қажетті мамандарды осы жерден таңдауға мүмкіндік бар.

Данияр Садуақасов, «Өрлеу» БАҰО бағдарламалық қамтамасыз етуді әзірлеу департаментінің Frontend әзірлеушісі:

Жүйеге кірген кезде түлектердің портфолиосын көре алады. Автоматты түрде сол өңірде өтінім берген түлектердің тізімі көрінеді. Және директорлар басқа өңірлер бойынша, фильтрация жасап, іріктеп көре алады. Ол портфолио ішінде түлектер жайлы көптеген ақпарат берілген. Алтын белгі немесе тест тапсырған деңгейі де бар.

Динара Жарқынбек