Батыс Қазақстан облысында Сенат сайлауына үш кандидат қатысты

Батыс Қазақстан облысында Сенат депутаттарын сайлау заң талаптарына сай өтті. Облыстық мәслихатқа келген сайлаушылар тіркеуден өткен соң, оларға дауыс берудің ережесі түсіндірілді. Белгіленген уақытта өңірдегі 185 депутаттың 172-сі, яғни 93%-ы өз таңдауын жасады. Жалпы сайлауға 8 адам өтініш берген еді, оның тек үшеуі кандидат ретінде тіркелген болатын. Олардың ішінде проректор, қоғамдық ұйым өкілі, облыс әкімінің бірінші орынбасары болды. Сайлау кезінде заңбұзушылық, тәртіпсіздік болған жоқ.

Ғайса Қапақов облыстық Сайлау комиссиясының төрағасы:

Ешқандай ескерту түскен жоқ. Кандидаттар тарапынан да. Сайлау дұрыс өтпеді деген әңгіме болған жоқ. Сайлау ашық өтті. Әр бюлетеньді көрсетіп отырып, дауыс бергіздік, бәрін көрдіңіздер кімге қанша дауыс бергендерін. Үш кісі «бәріне қарсымын» деп дауыс берді. Екі жарамсыз бюлетень болды.

Ардақ Мұратқызы