Қызылордада жаңа перинаталдық орталық салынады

Парламент Сенатының депутаты Ақмарал Әлназарова Қызылорда облысында салынып жатқан бірқатар нысанның құрылыс барысымен танысты. Аймақтан сайланған сенатор жергілікті жердің түйіткілді мәселелерін жақсы біледі. Өңірде ана мен бала өлімінің көрсеткіші жоғары.

Сондықтан заманауи перинаталдық орталық салу, оның құрылысына қаржы бөлу мәселесін былтыр Парламентте көтерген. Бүгінде медициналық нысанның іргетасы қаланып жатыр. Облысқа сапары аясында сенатор ауылдық елді мекендерді аралап, халықпен кездесулер өткізуді жоспарлап отыр.

Ақмарал Әлназарова, ҚР Парламенті Сенатының депутаты:

Біздің өңірде қандай проблемалық мәселе бар. Қандай жоспарлар бар. Қаражат бөлу деген мәселелерді өз көзіммен көріп, мамандармен кездесіп, танысып жатырмын.