Астанада өткен қоғамдық қабылдауда сауда саласындағы мәселелер талқыланды

Астанада сауда және интеграция министрінің бірінші орынбасары Арман Шаққалиев қала тұрғындары мен бизнес өкілдерімен кездесті. Онда аймақтың сауда саласындағы қордаланған мәселелері талқыланды. Кездесуге келген кәсіпкерлер әлеуметтік маңызы бар тауарлардың бағасын ұстап тұруда кейбір кедергілер кәсіпкерлерді шығынға ұшыратуда дейді. Әсіресе кей тауар түрлерінің тапшылығы, тауарды жеткізу мен сақтау қиынға түседі. Сауда және интеграция министрінің бірінші орынбасары алдағы жылы мұндай тауар түрлерін өндіру үшін 400 млрд теңге шамасында қаражат бөлінеді дейді. Бұл халық көп тұтынатын тауар түрлерін өндіруге үлкен қолдау болмақ.

Арман Шаққалиев, ҚР Сауда және интеграция министрінің бірінші орынбасары:
Қазір шешім қабылданды. Келер жылдың ақпан айында берілетін қаражат әсіресе сүт тауарлы фермаларды қолдауға жұмсалады. Бұл өнім көлемін арттыру мен бағаның тұрақты болуына сеп болады.

Сәбит Әлдебай