Алматыда Фариза Оңғарсынованың шығармашылығына арналған жыр кеші өтті

Әл-Фараби атындағы Қазақ Ұлттық университетінде Қазақстанның Халық жазушысы, ақын Фариза Оңғарсынованың шығармашылығына арналған «Ақ айдынға тоғытып жыр кемені» атты кеш өтті.

Филология, әдебиеттану және әлем тілдері факультеті, қазақ тіл білімі кафедрасы ұйымдастырған шара «ҚазҰУ студенті оқуы тиіс 100 кітап» жобасы аясында алғаш рет өткізіліп отыр.

Студенттер мен магистранттар шарада ақын өлеңдерін оқып, прозалық еңбектеріне талдау жасады.

Кеш қонақтары - ақын Маралтай Райымбекұлы, журналист Бекұзақ Омар және жазушы Гүлсім Оразалықызы.

Нұрлан НАУРЫЗАЛИЕВ