«Алтын тобылғы» Республикалық әдеби байқауы қорытындыланды

Жас ақындар мен жазушыларға арналған «Алтын тобылғы» Республикалық әдеби байқауы қорытындыланды. Биыл 8-ші рет өткен сайысқа 130 шығарма ұсынылған. Оған түрлі жанрда қалам тербеп жүрген 18-35 жас аралығындағы 120 қаламгер қатысты.

Іс-шара Қазақстандағы заманауи әдебиетті дамытуға, жас қаламгерлерді қолдауға және олардың шығармашылығын насихаттауға бағытталған. Байқауда үздік шығарма номинациясының иегерлеріне 3 млн теңге, ал қалған жеңімпаздарға 2 млн теңгеден табысталды.

Әлкей Марғұланұлы, Н.Назарбаев қорының атқарушы директорының орынбасары:

Алтын тобылғы әдебиетшілер байқауы осы жылы 8-ші рет ұйымдастырылып отыр. Осы жылдар аралығында 900-ден аса жаңадан әдебиет саласындағы есімдердің ашылуына түрткі болған бұл Республикалық байқау осы жылы 120 жұмысты қарастырып өтті. Өтінімде 130 дан аса шығармалар келіп түсті.