Президент Қырғызстан басшысымен телефонмен сөйлесті

Мемлекет басшысы Қырғызстан Президентімен телефонмен сөйлесті. Қасым-Жомарт Тоқаев Садыр Жапаровты туған күнімен құттықтап, оған бақ-береке және жауапты мемлекеттік қызметте табыс тіледі. Бауырлас Қырғыз елімен достық, тату көршілік және стратегиялық серіктестік рухындағы ынтымақтастықты одан әрі дамытуға ниетті екенін жеткізді. Сонымен қатар екі ел президенттері сауда-экономикалық, инвестициялық және мәдени-гуманитарлық мәселелерді талқылады.