Бас прокуратура қаржы жымқырған сот орындаушылардың былығын әшкере етті

Жеке сот орындаушылар миллиард теңгеден астам қаржыны қалталарына басқан. Заң өкілдерінің былығын Бас прокуратура жария етті.

Ондағылар Алматы қаласы мен Солтүстік Қазақстан, Қарағанды, Павлодар, Батыс Қазақстан және Ақмола облыстары сот орындаушыларының соңғы екі жылда өндірген қаржыларына аудит жүргізген. Сөйтіп 700-ге жуық заңбұзышылық анықтап, 1 миллиард 100 миллион теңгені заң өкілдерінің жымқырғанын анықтап отыр. Мәселен, елордалық сот орындаушының бірі алимент төлемеген әкеден өндірген 289 миллион теңгені өз пайдасына жаратқан. Ал алматылық сот орындаушы борышкерлерден өндірген қаржыны өз депозитіне салып келген.