Кедей елдердің қарызы 62 млрд долларға жетті

Әлемнің ең кедей елдерінің несие берушілер алдындағы қарызы 62 млрд долларға жеткен. Бұл былтырға қарағанда 35 пайызға көп. Дүниежүзілік банк президенті Дэвид Малпасс осылай деп мәлімдеді. Оның сөзінше, мұндай жағдай дефолт қаупін арттырып отыр. Кедей мемлекеттер жоғарыда аталған қарыздың 2/3-сін Қытайға қайтаруы тиіс. Бұл ел әлемдегі ең ірі кредиторлардың бірі. Келесі аптада Бейжіңде Дүниежүзілік банк пен өзге халықаралық ұйымдар кездесу өткізіп, қарыз мәселесін реттеу жайын талқыламақ.