БҚО-да «Таза бейсенбі» іс-шарасы өтті

Батыс Қазақстан облысы Сырым ауданында «Таза Қазақстан» жалпыұлттық акциясы аясында «Таза бейсенбі» іс-шарасы өтіп, жол бойы көң-қоқыстан арылды. «Amanat» партиясының Сырым аудандық филиалы ұйымдастырған экологиялық акция асында Жымпиты ауылы аумағы мұнтаздай тазарды. Іс-шара қоршаған ортаны қорғау, ауыл тазалығын сақтау мен тұрғындардың экологиялық мәдениетін қалыптастыруды көздейді. Ауа райының қолайсыздығына қарамастан, шарада партия мүшелері, жастар белсенділік танытты. Абаттандыру аясында 1 тоннаға жуық қоқыс қалдығы жиналды.