Zhas Project: Талдықорғанда үздік деп танылған жетпіске жуық жас грант ұтып алды

Жетісу және Алматы облысы бойынша «Zhas Project» әлеуметтік жобалар байқауының нәтижесі шықты.

Жалпы екі аймақта 700-ге жуық азаматтан өтініш түскен. 21 адамнан тұратын комиссия 63 жасты үздік деп таныды. 38 жоба Жетісу, ал 25 жоба Алматы облысынан. Шағын әлеуметтік жобалар байқауы жастарды жұмыспен қамтуды мақсат етіп отыр. Сондықтан байқауға қатысушылардың жұмысының қаншалықты ауқымды екеніне қарай басымдық берілді. Форум аясында Ақпарат және қоғамдық даму министрлігі мен «Азаматтық бастамаларды қолдау» орталығының алғыс хаттары табысталды.

Айжан Оралбекова, қала тұрғыны:

Осы «Zhas Project» жобасына заявка беріп, осы грантты ұтып алдым. Өте қатты қуандым. Жалпы мен осы қолдан жасалған шоколадтарды жасай отырып, әлеуметтік осал топтағы адамдарға көмектесу біздің басты мақсатымыз.

Автор: Қ. Қанатұлы