Жаңалықтарды Telegram арнамыздан оқыңыз!Астанада мемлекеттік орган өкілдері кәсіпкерлермен кездесіп, салық саласындағы мәселелерді талқылады. Қазақстан салық төлеушілері қауымдастығы ұйымдастырған жиында салық әкімшілігін жүргізу және құзыретті органдардың тексерісі кезіндегі қиындықтар мен қосымша құн салығының көлемін реттеу, заң нормаларындағы қайшылықтар сияқты тақырыптар ортаға салынды.
Олардың айтуынша, бұл салықтар тұтынушылардың қалтасын қағады. Себебі кәсіпкерде өнімнің бағасын көтеру арқылы шығынның орнын толтырудан басқа жол жоқ. Қаржы министрінің орынбасары диалог барысында бизнес өкілдерінің көтерген мәселелері дайындалып жатқан жаңа салық кодексінде ескерілетінін айтты.
Ержан Біржанов, ҚР Қаржы министрінің орынбасары:
Бәріне бірдей нормалар қабылдау қиын. Сондықтан біз бұл саланың қандай өзгешеліктері бар, мысалы ауыл шаруашылығы ма екен, басқа да өндіру саласы болсын, сол салаларға мемлекет тарапынан қандай қолдау көрсету керек, соны ескере отыра, біздің қандай потенциялымыз бар, шешім қабылданатын болады.
Серік Селеубай
