Жаңалықтарды Telegram арнамыздан оқыңыз!
Астанада алғаш рет ұйымдастырылған Республикалық дирижерлер байқауы өз мәресіне жетті. Шара танымал дирижер Айтқали Жайымовтың 75 жылдық мерейтойына арналды. Мақсаты – дирижерлік өнерді қолдау, дамыту, насихаттау, дарынды жастардың кәсіби шеберлігін шыңдау.
Сайыста еліміздің әр өңірінен 11 үміткер бақ сынады. Байқау қорытындысы бойынша, «Дина Нұрпейісова атындағы Академиялық қазақ халық аспаптар оркестрінің» бас дирижері Болат Долдашев гран-приге ие болды. 1-ші орыннан Әбілқайырхан Бейсеков көрінді, 2-ші орын Әділет Азбаевқа бұйырды, ал 3-ші орынды Азамат Шынаров пен Жанат Рашит қанжығалады.
Болат Долдашов, дирижер, гран-при иегері:
Айтқали ағамыздың 75 мерей жасына орай осындай Республикалық конкурс өте жоғары дәрежеде өтті деп есептеймін. Бұл үлкен деңгейдегі конкурс, конкурстың өзі екі деңгейде өтіп жатыр. Мықты қатысушылар келді, шыны керек талас болды. Маған бұйырған екен осы конкурстан бас жүлдені алу. Өзім өте қуанышты болып жатырмын бір жағынан.
Серік Селеубай
