Қазақстан мен Өзбекстан жол картасына қол қойды

Премьер-Министр Әлихан Смайылов Өзбекстан Премьер-Министрі Абдулла Ариповпен Астанада өткен ТМД Үкімет басшылары кеңесінің отырысы аясында кездесіп, екіжақты ынтымақтастықтың кең ауқымды мәселелерін талқылады. Қос тарап сауда әлеуетін кеңейту, ауыл шаруашылығы, өнеркәсіп, көлік-транзит пен су ресурстары саласындағы өзара іс-қимыл мәселелерін қарады. Кездесуде екі ел арасындағы сауда-экономикалық және инвестициялық ынтымақтастықты дамыту жөніндегі Жол картасына қол қойылды. Онда бірлескен өндірістік жобаларды іске қосу, логистикалық инфрақұрылымды дамыту, өнеркәсіп тауарларын жеткізуді ұлғайту және бірқатар маңызды мемлекетаралық келісімдерді дайындау бойынша жоспарлар көрсетілген. 

Сәбит Әлдебай