Қазақ анимациялық кино өнеріне - 55 жыл

Қазақ анимациялық кино өнеріне - 55 жыл. Осыған орай, «Қазақанимация» шығармашылық бірлестігінде ашық есік күні өтті. Оған «Жанұя» балалар үйінің тәрбиеленушілері қатысып, мультфильм тамашалады. Бүгінде «Қазақанимация» ұйымы ұзақтығы 5 минут болатын 20 туынды әзірлеп жатыр. Оған үкіметтен 1 миллиард теңге бөлінген.

Төл картиналар жыл соңына дейін жарыққа шығады деп жоспарланған. Айта кетейік, 1967 жылы «Қазақфильм» киностудиясы «Қарлығаштың құйрығы неге айыр» атты алғашқы отандық мультфильмді жарыққа шығарған еді.

Жәнібек Оразалы, «Қазақанимация» шығармашылық бірлестігінің жетекшісі:

Анимациялық фильм жасау өте ауыр, қиын. Машақатты қажет ететін жұмыс. Мемлекет мұны енді түсініп, көңіл бөліп келеді. Яғни, анимациялық фильм бірінші кезекте, бала тәрбиелейді. Екінші кезекте, мемлекеттің идеологиялық саясаты үшін қызмет етуі керек.

Фариза Мұсақызы