Жаңалықтарды Telegram арнамыздан оқыңыз!Қостанай облысында орман алқабын қалпына келтіру жұмысы басталып кетті. Дәл қазір күйген ағаштар кесіліп жатыр. Оталатын орманның аумағын анықтап белгілеуге 100-ге тарта адам жұмылдырылды. Ал ағашты құлату, бұтағын тазалау, тасымалдау тәрізді шаруаны 63 адамнан тұратын 7 бригада атқарады. Сонымен қатар, осы жұмыстарды жедел атқару үшін 14 трактор сатып алынған, олардың қатарын әлі де көбейту жоспарланып отыр. Осы аптада оталған орманның орнына қайың көшеттері отығызылады. Ал алдағы аптада қарағай егіледі. Сонымен қатар 1 қарашадан бастап орманшылардың жалақысы өсетін болды.
Дәуренбек Әбдібек
