«Ақ жол» партиясы Конституциялық реформаны талқылады

Бір палаталы Парламентке көшу – заман талабы. Бұл заң шығару үдерісін жылдамтып қоймай, оның сапасын да арттырады. Сондай-ақ партиялар арасындағы бәсекелестік күшейеді. Мәжіліс депутаты, «Ақ жол» партиясының төрағасы Азат Перуашев осылай дейді. Бүгін ақжолдықтар Конституциялық реформаны, азаматтар мен адвокаттар, сонымен қатар заңгерлер тарапынан келіп түскен ұсыныстарды қарады. Жиында Халық кеңесі туралы да айтылды. Қатысушылардың айтуынша, Халық кеңесі арқылы қоғам белсенділері өз пікірін Үкіметке де, Парламентке де, тіпті осы кеңес арқылы заң жобасын ұсыну құзыретіне ие бола алады.

Азат Перуашев, ҚР Парламенті Мәжілісінің депутаты, Конституциялық комиссия мүшесі:

Халық кеңесі арқылы азаматтық қоғам белсенділері, азаматтық қозғалыстардың көшбасшылары осы кеңеске кіріп, өз пікірін, өз идеясын үкіметке де, Парламентке де, тіпті осы кеңес арқылы заң ұсынуға дейінгі құзыретке ие бола алады.