Азаматтық қоғам жөніндегі комитет төрағасының орынбасары Бауыржан Мусин парамен ұсталды

Бүгін Дін істері және азаматтық қоғам министрлігінің Азаматтық қоғам жөніндегі комитеті төрағасының орынбасары Бауыржан Мусин парамен ұсталды.

Сыбайлас жемқорлыққа қарсы іс-қимыл Ұлттық бюросы баспасөз қызметінің ресми мәліметіне сәйкес, ол мемлекеттік сатып алуға қатысушылардың кейбірінің мүддесін қолпаштап, жүйелі негізде пара алып отырған. Бауыржан Мусин бүгін кәсіпкерден параның кезекті 400 мың теңге сомасындағы бөлігін алу үстінде қолға түсті.

Армангүл ТОҚТАМҰРАТ