Абай облысындағы өрт толықтай сөндірілді

Өткен аптада күннің күрт ысуынан бір мезетте 5 ауданда қызыл жалын тұтанған еді. Тілсіз жаумен күресуге көршілес Павлодар облысының құтқарушылары да көмек берген. Жалпы 800 ден астам адам мен 123 техника жұмылдырылды. Қарапайым тұрғындар да атсалысты. Кейбір ауылдарға жақын келген өртті ауыл халқы сөндірген. Төтенше жағдайлар қызметі мамандарының мәліметінше, қазір қызыл жалын ошақтары түгелдей жойылды. Облыста 8400 гектардан астам жер жанып кетті.