Қостанай облысындағы өрт: сотқа дейінгі тергеу басталды

Қостанай облысындағы өртке байланысты Қылмыстық кодекстің 3 бабы бойынша іс қозғалып, сотқа дейінгі тергеу басталды. Бұл туралы Бас прокуратура мәлімдеді. Ал Ішкі істер министрлігінің өкілдері орманды жою немесе зақымдау үшін қылмыстық жауапкершілік қарастырылғанын ескертеді.

Ермек Шүлден, ҚР ІІМ тергеу департаменті басқармасының бастығы:

Орман қорына кіретін және кірмейтін ағаштар мен бұталарды өрт қою жолымен немесе қалдықтармен қоқыстармен ластау арқылы және өзге де қауіпті тәсілдермен қасақана жою немесе зақымдау Қазақстан Республикасы Қылмыстық Кодексінің 341 бабымен сараланады. Аталған қылмыс ауыр қылмыстар санатына жатады. Және ол үшін мүлкін тәркілей отырып, 8 жылға дейін бас бостандығынан айыру жазасы көзделген.