Жаңалықтарды Telegram арнамыздан оқыңыз!Мемлекет басшысының 5 жылда 2 млрд түп ағаш егу туралы тапсырмасының биылғы межесі іске аспай қалуы мүмкін. Ауқымды жобаға Ақтөбе және Батыс Қазақстан облыстарында қаржы бөлінбеген. Министрдің айтуынша, бұл «Жасыл Қазақстан» бағдарламасын жүзеге асыруға кедергі келтіріп отыр. Ұлттық жоба ауаның ластануы мен қалдықтарды азайтып, орман шаруашылығы жүйесін жетілдіруге бағытталған. Іске асқан бірнеше жылда кәсіпорындардың қоршаған ортаны ластау деңгейі 10 пайыздай азайған. Және үш мыңнан астам полигонның 700-ге жуығы экологиялық нормаларға сай келтіріліп, 66 мың гектарға ағаш отырғызылды. Енді ұлттық жобаға дер кезінде қаржы бөліп, шаруаны шапшаңдату керек.
Әлихан Смайылов, ҚР Премьер-министрі:
Өткен жылдан бері экологиялық төлемдер экологиялық ахуалды жақсарту шараларына бағытталуы тиіс деген норма қолданылып келеді. Ол үшін Экология министрі. әкімдіктермен бірге әрбір өңір бойынша экологиялық жағдайды жақсарту үшін іс-шаралар жоспарын әзірлеуі керек.
Досжан Маратұлы
