Жаңалықтарды Telegram арнамыздан оқыңыз!Ұшақ билеттерінің бағасы шарықтап барады. Финпром орталығы келтірген дерекке сай, бір жылда 27 пайызға қымбаттаған. Әсіресе халықаралық рейстердің құны өскен. Бұған доллар мен еуро бағамының көтерілуі және Украинадағы қақтығыс аймағын айналып ұшу секілді факторлар түрткі болып отыр. Ал ішкі рейстерге бағаның көтерілуіне бірнеше себеп бар дейді сарапшылар. Айта кетейін әуе компанияларының қаңтар-шілде аралығындағы табысы 276 миллиард теңге. Бұл былтырғы көрсеткішпен салыстырғанда 87 миллиардқа көп.
Серік Мықтыбаев, Азаматтық авиация саласының сарапшысы:
Қазір әуе компанияларының қызметіне сұраныс артып келеді. Бірақ негізінен бағаның көтерілуіне азаматтық авиация нарығындағы монополия, саланы дамыту жоспарының болмауы және жанармай бағасының көтеріліп, салықтың өсуі түрткі болып отыр.
Досжан Маратұлы
