Жаңалықтарды Telegram арнамыздан оқыңыз!Алаяқтар жаңа әдіс қолдана бастады. Соңғы уақытта тұрғындарға «Қазақстан халқына» қоғамдық қоры атынан алаяқтардың қоңырау шалуы жиілеген. Олар өздерін қор өкілдері ретінде таныстырып, тұрғындарға аталған қор атынан материалдық төлемге ие бола алатынын айтады. Сондай-ақ қолдау көмегін алу үшін алаяқтар абоненттерден «1414» қысқа нөмірінен жіберген кодты жазуды, содан кейін «Қазпошта» арқылы ақша алуды ұсынады. Осы орайда қор қазақстандықтарды сақ болуға, «1414» нөмірінен алынған құпия код пен өзіңіз жайлы жеке мәліметтерді үшінші тұлғамен бөліспеуге шақырады.
Ләззат Шыңғысбаева, «Қазақстан халқына» қоғамдық қоры төрағасының орынбасары:
Біз "Қазақстан халқына" қоры ешқандай төлемақыны ешкімге беріп жатқан жоқпыз. Әр азамат өзінің өтінімін портал арқылы тіркеп, жеке кабинетін ашып, сол жерге құжаттарын тіркеп өтінімдерін жібереді. Сіз ол СМС-код келді деп нөмерін айтсаңыз, несиені мойындарыңызға жүктеуі мүмкін.
