Шетелдік мердігерлер мемлекетке 20 млрд теңгеден астам шығын келтірді

Жол құрылысы барысында екі бірдей шетелдік мердігер компания мемлекетке 20 миллиард теңгеден астам шығын келтірген. Сыбайлас жемқорлыққа қарсы күрес агенттігі аталған саладағы былықтарға талдау жүргізді. Нәтижесінде техникалық қадағалау қызметінің заң саласындағы шектеулермен және тыйымдармен жеткілікті түрде реттелмегені анықталды. Техникалық қадағалау кепілдік мерзімі ішінде анықталған бұзушылықтар үшін жауапты болмайды. Тіпті құрылыс материалдарының сапасы тексерілетін зертханалар туралы да талап жоқ. Сондықтан жол құрылысында сапасыз әрі арзан материалдар қолданылады.