Алматы облысында кезекте тұрғандар пәтерлі болды

Алматы облысының Есік қаласында жыл соңына дейін 60 пәтерлі 2 тұрғын үй пайдалануға беріледі. Қазіргі таңда олардың құрылысы 99 пайызға бітіп тұр. Ендігі кезекте абаттандыру мен инфрақұрылым тарту жұмыстары атқарылады. Бұл тұрғын үйлерді салу жоспары "Amanat" партиясының 2025 жылға дейінгі сайлауалды бағдарламасына кірген. Бүгін Мәжіліс депутаты Жанарбек Әшімжанов осы өңірге сапары барысында құрылыс жұмыстарымен танысты. 120 пәтер баспана кезегінде тұрғандарға беріледі.

Жанарбек Әшімжанов, ҚР Парламенті Мәжілісінің депутаты:
Менің өзімнің сапарым әлеуметтік мәселелерге арналады. Еңбекшіқазақ ауданы жол картасына енгізілген. Түрлі отбасы жағдайындағы жанұяларға арналған тұрғын үй, осыны қарап жатырмыз. Еңбекшіқазақ ауданында 350 мың халық тұрады. Ауданның бөліну мәртебесін қарастыруды да сұрап жатыр.

Фариза Мұсақызы