Еревандағы жарылыс: құрбандардың саны бесеуге жетті

Армения астанасы Еревандағы «Сурмалу» көтерме базарында болған жарылыс құрбандарының саны бесеуге жетті. Тағы 56 адам жараланып, 16 тұрғын жоғалып кеткен. Мұны елдің Төтенше жағдайлар министрлігі хабарлады.

Фейерверктерге арналған материалдар қоймасындағы жарылыс жексенбі күні түскі уақытта болып, алапат өртке ұласқан. Мұндай ақпаратты «Армения жаңалықтары» және ТАСС агенттіктері таратты.

Аталған министрліктің мәлімдеуінше, оқиға орнында өрт сөндірушілер мен құтқарушылар жұмысын істеп жатыр.