Әлихан Смайылов «Honeywell» компаниясының басшылығымен кездесті

Премьер-Министр Әлихан Смайылов «Honeywell» компаниясының басшылығымен кездесті. Тараптар экономиканы декарбонизациялау, өнеркәсіпке заманауи «жасыл» технологияларды енгізу мәселелерін, сондай-ақ аталмыш компанияның елімізде жаңа жобаларды іске қосу жөніндегі жоспарларын талқылады. Әлихан Смайылов «Қазақстан – Орталық Азиядағы инвестициялар үшін ең тартымды ел болып қала береді», – деді. Оған Үкіметтің инвестициялық ахуалды жақсарту және шетелдік капиталды құқықтық қорғау бойынша іске асырып жатқан шаралары ықпал ететінін атап өтті.