Шымкентте 3 жастағы бала бассейнге құлап, жансақтау бөлімінде жатыр

Шымкентте үш жасар бала бассейнге құлап кетті. Қазір бүлдіршін жансақтау бөлімінде жатыр. Дәрігерлер оған «аспирациялық синдром» диагнозын қойған. Жағдайы ауыр.

Оқиға Абай ауданы, Қызылжар тұрғын алабында болған. Бала үйінің ауласында үлкендердің қарауынсыз жүріп, тереңдігі 1,5 метрлік бассейнге құлаған.

Шілде айы басталғалы бұл – Шымкентте тіркелген үшінші қайғылы жағдай. Осыдан бірер апта бұрын дәл осы Қызылжар шағын ауданындағы жеке үйлердің бірінде 1 жасар бала хауызға батып кеткен еді. Сондай-ақ Самал шағын ауданында 2019 жылы туған бала кәріз құдығына құлап, аруханаға түсті. Жағдайы орташа.