Алматы облысында жылқыны әдейі қаққан бұзақы он тәулікке қамалды

Жылқыны көлікпен қасақана таптаған жүргізуші 10 тәулікке қамалды.

Оқиға Алматы облысы Іле ауданындағы Междуреченск ауылында болған. Тұрғындар арасындағы өзара кикілжіңнен кейін, ер адам жылқыны әдейі қаққан. Кеше сот шешімімен, бұзақы 10 тәулікке қамауға алынды. Сонымен қатар ер адамның үстінен Қылмыстық кодекстің «бөтеннің мүлкін қасақана жою немесе бүлдiру» бабы бойынша іс қозғалды. Тергеу жалғасып жатыр.