Жаңалықтарды Telegram арнамыздан оқыңыз!Елде 80 мың киікті атуға қатысты Президенттің сынынан кейін Экология министрілгі шұғыл жиын өткізді. Басқосуда түз жануарының популяциясын басқарудың жаңа тәсілдері пысықталды. Ғалымдар қазір киіктер мекендейтін аймақты кешенді бағалау үшін терең ғылыми зерттеулер жүргізу қажет деп отыр. Ақбөкендерді қорғау үшін олардың санын қажетті деңгейде ұстап тұру да маңызды. Ведомство өкілдері популяцияны басқару мұқият дайындықты қажет етеді, дейді. Бұл бағыттағы жұмыстар басталып кетті.
Олжас Беркінбаев, ҚР ЭГТРМ Қоғаммен байланыс департаментінің директоры:
Қандай шешімдер қабылданады мұны Экология, геология және табиғи ресурстар министрлігі баспасөз қызметі қоғам назарына, жұртшылық назарына, қызығушылық танытқан барша ел азаматтарының қаперіне, назарына жеткізіп отыратын болады. Экология министрі Серікқали Брекешов Ауыл шаруашылығы министрі өкіліне киіктерден зардап шеккен фермерлерге өтемақы төлеу әдістемесін әзірлеуді және қарастыруды айтты.
