Ауылды дамыту: Қостанайда әлеуметтік нысандар бой көтереді

Бүгін Парламенттегі «Аманат» партиясының бір топ депутаттары Қостанай облысының Майлин ауданында болды. Олар сайлауалды бағдарламасында көрсетілген жобалардың жүзеге асуы барысымен танысты. Қазір басты меже – ауылдардың инфрақұрылымын дамыту болып тұр. Осыған сәйкес биыл Майлин ауданында екі елді-мекенге орталық су желісі тартылады. Тағы бір ауылда жаңадан медицина мекемесі бой көтереді. Депуттар «жол картасы» бағдарламасы бойынша қаржыландырылған заманауи шошқа фермасында да болды.

Альберт Рау, ҚР Парламенті Мәжілісінің депутаты:

Бұл импортты алмастыру бағдарламасына кіретін жоба. Біз қазір сүт, ет өнімдерінің басым бөлігін сырттан тасымалдаймыз. Мұндай жобалар сол импорт көлемін азайтуға мүмкіндік береді. Ең бастысы бұл жерде ет терең өңдеуден өтеді. 100 адам тұрақты жұмыспен қамтылған.

Дәуренбек Әбдібек