Жаңаөзенде заңсыз ойын бизнесінің жолы кесілді

Жаңаөзенде тұрғын үйлердің бірінде заңсыз ойын бизнесі жасырын жұмыс істеген. Оны Маңғыстау облыстық Полиция департаментінің қызметкерлері анықтаған. Жасырын ойынхана Шаңырақ шағын ауданындағы тұрғын үйлердің бірінде орналасқан. Тәртіп сақшылары жедел іздестіру кезінде мониторлар, процессорлар, теледидар мен кассалық аппараттарды тапқан. Мұнан өзге қаржы тәркіленген. Аталған дерекке қатысты барлық құжаттар Маңғыстау облыстық Экономикалық тергеу департаментіне жолданған.