Жаңалықтарды Telegram арнамыздан оқыңыз!ҚР Парламенті Мәжілісінің депутаты Дүйсенбай Тұрғанов атыраулықтармен қоғамдық қабылдау өткізді. Келген тұрғындар жеке мәселелермен қоса, көпшілікке ортақ әлеуметтік түйіткілдерді де ортаға салды. Баспана, жұмыссыздық жайы, баспана кезегі, газ тарифінің қымбаттауы сияқты мәселелер айтылды. Сондай-ақ жаңа қабылданатын заң жобаларына қатысты да кездесуге келгендер өз ойлары мен ұсыныстарын білдірді. Депутат көтерілген проблемалардың жедел әрі жүйелі шешілуіне күш салып, назардан тыс қалдырмайтынын және жауапты органдарға хат жолдайтынын жеткізді.
Дүйсенбай Тұрғанов, ҚР Парламенті Мәжілісінің депутаты:
Атырау қаласына байланысты осы жердегі мәселелер үлкен бір күрделі проблема емес. Бұл жерде бұл мәселелерді шешуге болатын сияқты. Тұрғын үй мәселесіне қатысты көп сұрақтар болды. Жұмыс орнына сұрақтар болды. Осы жерде бәрін тиянақты шешуге болады. Бірақ өзім осы мәселелерді өз қадағалауыма алып отырмын.
Жандос Темірғали
