Жаңалықтарды Telegram арнамыздан оқыңыз!Атырауда коронавирустан ауруханаға түскен 21 науқастың 9-ы бала. Қатерлі дертпен күресіп жатқандардың арасында 3 жүкті әйел де бар. Ал үй жағдайында 35 адам емделуде.
Соңғы екі аптада өңірде індет қайта күш алды. Бүгін тағы 9 адамнан инфекция анықталды. Бәрі қала тұрғындары. Мамандар ковидпен күрестің тиімді жолы екпе екенін айтады. Облыста бас-аяғы 92 мыңнан астам тұрғын ревакцинациядан өтті. Ал 260 мыңға жуығы дәрілік препараттардың ІІ компонентін қабылдады.
Жандос Темірғали
