«Нұрлы жүрек» әлеуметтік қызмет көрсету орталығана жан-жақты қолдау қажет – депутат

«Нұрлы жүрек» әлеуметтік қызмет көрсету орталығана жан-жақты қолдау қажет. Мәжілістің бірқатар депутаты елордадағы мекеменің жұмысымен танысып, мәселелеріне қанықты. Орталықтың жабдықтары, төсек орындары мен оқу құралдары әбден ескірген. 1981 жылы салынған мекеме ғимараты да жөндеуді қажет етеді. Асхана жабдықтары мен бейнебақылау жүйесі де сын көтермейді. Орталық басшылығы депутаттармен кездесу барысында арнайы мамандардың жетіспейтінін де айтты. Жалақы мәселесі де көтерілді. Қазір стационарлық бөлімде 3 жастан 18 жасқа дейін мүмкіндігі шектеулі 118 бала тәлім-тәрбие алып жатыр.

Бауыржан Сартбаев, ҚР Парламенті Мәжілісіінң депутаты:

Қанша қаражат керек екенін басшылар санау керек. Соны біз әкімшілікпен сөйлесеміз. Ұйымға қосымша ақша бөлуге біз көмектесеміз. Жалақыларын таяуда 30 пайызға дейін көтеріпті, бірақ ол да жеткілікті емес. Оны да әрі қарай ойлауымыз керек.