Үкімет басшысы журналистер қауымын құттықтады

Үкімет басшысы бұқаралық ақпарат құралдары қызметкерлерін кәсіби мерекелерімен құттықтады. Әлихан Смайылов өз сөзінде «медиа саламен тығыз қарым-қатынас Үкімет жұмысын тиімді етеді. Мемлекеттік органдардың ашықтығы мен қоғамдағы түйткілді мәселерді шешуде журналистер қауымының рөлі ерекше», - деді.

Әлихан Смайылов, ҚР Премьер-Министрі:

Сіздерді кәсіби мерекелеріңізбен құттықтаймыз. Өзара үйлесімді жұмыс пен жоғары азаматтық жауапкершілік үшін алғыс айтамыз. Біздің бірлескен күш-жігеріміз Үкіметтің жұмысын бұдан да ашық әрі тиімді етуге мүмкіндік береді деп сенеміз. Баршаңызға тың идеялар мен шығармашылық табыстар тілейміз.

Дарын Сағитов