Солтүстік Қазақстанда ойыншық құрамынан зиянды заттар табылды

Солтүстік Қазақстанда санитар дәрігерлер тексерген ойыншықтардың құмынан бала денсаулығына зиянды заттар табылды.

Мамандар жыл басынан бері 82 ойыншық сынамасына сараптама жасаған. Оның 61 пайызы талапқа сай болмай шықты. Басым бөлігіне таңбалау дұрыс жүргізілмеген. Ойыншықтардың 14 проценті санитариялық-химилялық талаптарға сай емес.

Өнім қауіпсіздігі мониторингінің қорытындысы бойынша сапасыз ойыншықтарды сатушыларға заң бұзушылықтарды жою туралы ұйғарым берілді. Мұндай тауардың басым бөлігі Қытайдан әкелінгені анықталды.

Қорғанбаев Әділ, Санитариялық-эпидемиологиялық бақылау департаменті бөлімінің бас маманы:

Оның ішінде көбінесе фенол, бензол, формальдегид секілді оның қауіпсіздігіне сәйкес келмейтін зиянды заттар табылды. Мысалы формальдегидті алар болсақ, аллергиялық ракцияларға әкелуі мүмкін.