Енді әскери зейнеткерлер жеткілікті шегіне қарамастан зейнетақы жинақтарының 50 пайызын ала алады

Енді әскери зейнеткерлер жеткілікті шегіне қарамастан, зейнетақы жинақтарының 50 пайызын ала алады. Мәселен, сарбаздың жинағында 3 миллион теңге болса, мемлекет берген бағыт бойынша 1,5 миллион теңгесін пайдалануға құқы бар. Бұл туралы Қорғаныс министрлігі Зейнетақымен қамсыздандыру орталығының басшысы Қайыржан Бимолдин айтты. Оның сөзінше, 2030 жылға дейінгі тұжырымдамада зейнетақы жүйесін жетілдіру көзделген. Әрі сарбаздарға қатысты әлеуметтік кодекс әзірленіп жатыр. Тағы бір өзгеріс - енді әскери қызметкерлердің зейнет жасы ұзартылады.

Қайыржан Бимолдин, ҚР Қорғаныс министрлігі зейнетақымен қамсыздандыру орталығының басшысы:

Барлық әскери қызметші мемлекеттік бюджет арқылы зейнетақы тағайындау жүйесіне көшті. "Әскери қызметшілердің мәртебесі туралы" заңға өзгеріс енгізілді. 5 жылға дейін ұзарту нормасы енгізілген. Соған сәйкес зейнет жасы 5 жылға дейін созуға болады.

Жазира Оразқызы