Жаңалықтарды Telegram арнамыздан оқыңыз! Мәжіліс депутаттары Қарағанды мемлекеттік университетіне барып, конституцияға енгізілетін өзгерістер жайлы түсінік берді. Ата заңның 33 бабына, яғни үштен бір бөлігіне өзгеріс енгізіледі. Әсіресе, жер, оның қойнауына қатысты мәселелер өте маңызды. Президенттің өкілеттілігін қысқартып, Парламенттің пәрменін арттыру тұтас мемлекеттің, қоғамның дамуына оң ықпал етеді дейді халық қалаулылары.
Аманжол Әлтай, ҚР Парламенті Мәжілісінің депутаты:
Конституциялық реформа бұл Президенттің кешенді саяси реформасының нәтижелі жүзеге асуы үшін аса маңызды. Біз тек қана халыққа түсіндіру жұмысын жүргізіп қана қоймаймыз. Оны Конституцияны өзгертуде халықтың қандай тілек-талабы бар, соны Парламентке барғаннан кейін жеткізетін боламыз.
Руслан Нұрланұлы
