Ақтауда балықтан уланған баланың жағдайы ауыр

Дәрігерлер оған ауыр дәрежедегі ботулизм диагнозын қойған. Бала ауруханаға ес-түссіз жағдайда жеткізіліп, жансақтау бөліміне жатқызылған. Оған ботулизмге қарсы сарысу да енгізілген. Дәрігерлердің айтуынша, бала 18 қыркүйек күні ата-анасымен қонақта болған. Сол жерде үй жағдайында ысталған, консервіленген балық жеген. Келесі күні Мұнайлы аудандық ауруханасына , кейін облыстық балалар ауруханасына жеткізілген. Науқастың жағдайы ауыр болғандықтан, Астанадан республикалық орталықтан реаниматолог және инфекционист мамандары шақыртылды. Еске салайық, 19-кыркүйек күні Басқұдық ауылында ысталған балық жеп уланған үш ересек пен кәмелетке толмаған бала ауруханаға жатқызылған болатын. Қалған науқастардың да жағдайы ауыр.