Жаңалықтарды Telegram арнамыздан оқыңыз!
Таразда жарылыс кезінде қаза болған жауынгерлерге арналған мемориал тақта ашылды. Былтыр Байзақ ауданында әскери қоймадағы жарылыс кезінде 14 адам өз өмірлерін құрбан етті. Оның ішінде 10 азамат алдыңғы шепте болған өрт сөндірушілер еді.
Қаладағы №1 мамандандырылған өрт сөндіру бөлімі аумағында ашылған мемориалдық тақтаға опат болған ерлердің есімдері қашалған. Бүгін олардың рухына тағзым етуге келген жұрт, халықтың қорғаны болған қайсар жандардың ерлігін еске алып, құрмет көрсетті. Қаза тапқан қызметкерлердің туыстары мен жақындары да жылы естеліктерімен бөлісіп, алғыстарын білдірді.
Гүлмира Байдыбекова, Марқұм К.Әлібидің анасы:
Ерлігі еш кетпеді. Мақтанамыз осындай ерлік жасап елі үшін жанын қиды. Бәрі басқаша болуы керек еді. Бауырларым, інілерім, балаларым барлығына тағзым етеміз, басымызды иеміз.
