Павлодардағы өрт: Оқушы ауруханаға түсті

Павлодардағы өрт шыққан мектептің 8-сынып оқушысы ауруханаға түсті. Ол эвакуациядан кейін үйіне барған соң өзін жайсыз сезінген. Лоқсып, басы ауырған қыз баланы жедел жәрдем облыстық Балалар ауруханасының соматикалық бөлімшесіне жатқызды. Дәрігерлердің айтуынша, оқушыға иіс тиген, жағдайы қалыпты. Естеріңізге сала кетейік, кеше таңғы 8-де қала орталығындағы 28-ші мектептің шатыры отқа оранды. Бір мұғалім ауруханаға түсті. Айналасы бір аптаның ішінде. Павлодарда осымен екінші білім ошағы өртенді.