Жаңалықтарды Telegram арнамыздан оқыңыз!Алматыда қар көшкіні жүріп, екі адам үйінді астында қалып қойған. Өкінішке қарай біреуі көз жұмды. Қалалық төтенше жағдайлар департаментінің хабарлауынша тағы бір турист жарақат алған. Мән жайды бізбен тікелей қосылымға шыққалы тұрған тілшіміз Нұрсұлтан Тілектес баяндауға дайын...Нұрсұлтан сөз өзіңде
Нұрсұлтан Тілектес, тілші:
Төтенше жағдайлар қызметінің мәліметінше, табиғат апаты түскі сағат бірдің шамасында таулы аймақтың "Жастар" шыңында орын алған. Қар көшкіні жүрген орында жалпы 6 адам болған, оның екеуі көшкіннің астында қалып қойған. Оларды іздестіруге 35 құтқарушы, 10 арнайы техника мен кинологтар жұмылдырылды. Нәтижесінде жоғалғандар табылды. Үйінді астынан шығарылған саяхатшылардың бірі дер кезінде құтқарылды. Ресми ақпаратқа сүйсенсек ол Франция азаматы. Иығы мен жамбасынан жарақат алған шетелдік қазір ауруханада жатыр. Ал, қар құрсауында қалған екінші адам қаза тапты. Айта кететін жайт ТЖД мамандары 14-18 сәуір аралығында Кіші және Үлкен Алматы су алабтарында қар көшкіні болатынын ескерткен еді. Сондықтан қала тұрғындары мен қонақтарынан аталған аумаққа бармауларын сұрайды.
Нұрсұлтан Тілектес
