Жаңалықтарды Telegram арнамыздан оқыңыз!Шығыста соңғы 1 аптада күн райы күрт ысып кетті. Аймақтың оңтүстігіндегі аудандарда 20-23 градусқа дейін жылыды. Облыстық Төтенше жағдайлар департаменті 8-11 сәуір аралығында таулы аудандарда қар көшкіні жүруі мүмкін екенін ескертті. Кешеден бері өңірде жауын жауып тұр. Ол қар көбесінің тез сөгілуіне әсер еткен. Осы аптаның басында «Өскемен - Рахман қайнары» бағытындағы республикалық автокөлік жолына қар түсіп, қозғалыс тоқтаған болатын. Жалпы шығыста көшкін жүретін 497 аумақ бар. Осы қыста мамандар 130 мың текше метрдей қарды механикалық жолмен түсірген.
Олжас Керей
