Жүк пойызы рельстен шықты: Бірнеше вагон Ертіс өзеніне құлаған

Шығыс Қазақстанда жүк пойызы рельстен шығып кетті. Жергілікті тұрғындар бірнеше вагонның Ертіс өзеніне құлағанын айтты. Ресми ақпарат бойынша, оқиға күндізгі уақытта Өскемен - Күмістау учаскесінде болған. 18 вагон рельстен шыққан. Оның екеуіне руда тиелген, Ресейдің меншігі екені анықталды. 16 вагон «ҚазцинкТемірТранс» компаниясына тиесілі. Көз жұмғандар мен зардап шеккендер жоқ. Әрі бұл оқиға пойыздардың қозғалысына әсер етпеген.