Бразилияда табиғи апат салдарынан 16 адам қаза тапты

Бразилияда үздіксіз жауған нөсер соңы алапат тасқынға айналды. Салдарынан 16 адам қаза тапқан. Табиғи апат елдің Рио-де-Жанейро штатын жайлады. Бірнеше қаланы жалғайтын жолда лай көшіп, қатынас үзілген. Ангра-дус-Рейс қаласында қауіптің алдын алу үшін атом электр станциясы уақытша жабылды.

Айта кетсек, өңірде наурыздың соңынан бері нөсер жауын тоқтамай жауып жатыр. Синоптиктер алдағы күндері қайта тасқын жүріп, лай көшуі мүмкін екенін ескертті.

Арай Төлегенқызы