Шығыстағы Үржар ауданының тұрғындары егіске су жеткізе алмай отыр

Шығыстағы Үржар ауданының тұрғындары егіске су жеткізе алмай отыр. Жылдағы жағдай осы деп шырылдайды диқандар. Өңірдегі шаруалар суармалы алқаптың 5 пайызын ғана пайдаланып отыр. Қалғаны бос жатыр. Жаз ортасына қарай су жетпей, диқандар кезекке тұрады. Мәселе Қаракөл өзеніндегі бөгет құрылысының тым созылып кетуінен туындаған. Депутат Әмірхан Рахымжанов құрылыс 80-ші жылдары басталып, бюджеттің қыруар қаржысы жұмсалғанын айтады. Бірақ, әлі күнге нәтиже жоқ, - дейді үкіметке сауал жолдаған ол. Стратегиялық маңызы зор су қоймасы ауылдарды тіршілік нәрімен қамтып қана қоймай, жылына 7 млн квт/сағатқа дейін электр қуатын өндіре алады. 

Нысаналы Ығыл