Алматыда Сенат депутаттары студенттермен кездесті

Мақсат – жастармен Президент Жолдауында айтылған мәселелерді талқылау. Ақылбек Күрішбаев, Нұртөре Жүсіп және Бейбіт Исабаев Президент Жолдауындағы тың бастамаларды тарқата айтып берді. Жастардың көкейінде жүрген сауалдарға жауап беріп, пікір алмасты. Кездесу барысында студенттер мамандығына қарай жұмыс табу, жемқорлықсыз әділетті қоғам құру және қазақ тілінің болашағы сынды мәселелерді көтерді. Жастардың ойын ашық әрі нақты жеткізуі - жаңа қоғамның қалыптасып келе жатқанын көрсетеді дейді депутат Нұртөре Жүсіп.

Нұртөре Жүсіп, ҚР Парламенті Сенатының депутаты: 
Жастардың көзқарастарына, қойған сауалдарына қарап отырсақ жалпы үкілі үміттің оянғанын көреміз. Сенім оты тұтанғанын көреміз. Бұл жақсы нәрсе, жақсы нышан. Ал оны орнықтыру, жасау жастардың қолында.