Петропавл жылу электр орталығында күл шығаратын қондырғы істен шықты

Апат болған Петропавл жылу электр орталығында күл шығаратын қондырғы істен шықты.

Қазір оны жөндеу жұмыстары жүргізіліп жатыр. Тұтынушыларға жылу беру тоқтатылған жоқ.

Естеріңізге сала кетейік, 20 наурыз күні кәсіпорында алып мұржалардың бірі опырылып түскен болатын. Салдарынан қазандықтар қайта-қайта істен шығып, тұрғындар жылусыз қалды. Мамандар 15 сәуірден құлаған мұржаның қалған бөлігін алып тастауға кіріседі. Нысан техникалық тексерістен өткеннен кейін ғана жаңа мұржа салу жобасы жасалады. Кәсіпорында жылыту маусымы басталғалы 5 рет апат болды. Кешенді күрделі жөндеу жұмыстарын жүргізу үшін 18 млрд теңге қажет.

Эльмира Кәленова